अगदी कमी पैशात,तुफानी रिजल्ट देणारा प्रकार : गोरिल्ला मार्केटिंग

1,093 Views

GUERILLA Marketing
( गोरील्ला मार्केटींग )

आपण उद्योजक जेंव्हा एखादया वस्तुचे उत्पादन अथवा विक्री करतो,
त्यावेळी त्याची जाहिरात हा मुद्या अतिशय महत्वाचा असतो .
विना जाहिरातीचा व्यवसाय म्हणजे केवळ मुंडक्याविना धड अशीच परिस्थिती असंच म्हणू .
याची व्याख्या केली Jay conrod Lavinson यांनी 1984 मध्ये , जेंव्हा अमेरिका , व्हिएतनाम बरोबर झालेल्या युद्धात हारली होती .
व्हिएतनाम च्या सैन्याने फक्त
कॉम्बेट करुन विजय मिळवला होता .तर हा जो प्रकार त्याला ” गोरिल्ला मार्केटींग ” असं का म्हणतात? याचं उत्तर आपल्याला मिळालं असेल . .
आपल्या भाषेत सांगायचं तर याला गनिमी कावा असं सांगू आपण .
तर याचा मुख्य उद्देश,कमी पैशात , कमी साधनं वापरून अतिशय प्रभावी पणे जाहीरात करणे हा असतो , अगदी MBA च्या अभ्यासक्रमात हा विषय आहे.

या प्रकारांमुळे अगदीच थोड्या पैशात आपण आपल्या बिझनेसची अथवा ब्रँडची ऍड करू शकतो .
याचे विविध प्रकार आपल्याला पहायला मिळतात , प्रत्येकजण आपापली क्षमता ओळखून,डोकं लावून , कल्पना वापरून आपली ऍड करू शकतो .
याचे काही प्रकार आहेत ते आपण बघूया .
1) clever signs :

आपण साधारण पोस्टर्स तर नेहमीच बघतो , पण काही तरी हटके , मोठ्ठ , अथवा भडक्क Sign आपलं लक्ष वेधून घेतं .
समजा कार वॉशिंग सेंटर बाहेर एखादी मोठ्ठया कार ची प्रतिकृती ठेवलेली असते , किंवा टायर सर्विस सेंटर बाहेर मोठ्ठं थर्माकोल चं टायर लावलेलं असेल तर त्याच्या कडे साहजिकच आपलं जास्त लक्ष जातं .
यामुळे ग्राहक आपल्या उत्पादनाविषयी जागरूक होतो, बस्स आपल्याला तेवढंच तर पाहीजे.

2) T- Shirts :

आता गणपती मध्ये बघा , प्रत्येक गणेशमंडळाला नेते लोक , किंवा काही ब्रँण्डस टि- शर्ट फ्री मध्ये छापून देतात . पुढे मंडळाचं नाव आणि मागे स्पॉन्सर करणाराचे नाव .
ते T – shirt घालणारा पोरगा वर्षभर त्याला मिरवतो .
फार खर्च झाला का ? तर नाही , पण हे काका , मामा , भाऊ , दादा तर फेमस झाले ना ??तर ही T- shirt स्टाईल गोरिल्ला मार्केटींग मस्त आहे .

3) Video Projector :

हा प्रकार जरा नवीन आलाय .
एखादी मोठ्ठी बिल्डींग शोधायची आणि त्यावर प्रोजेक्टर च्या मदतीने आपल्याला पाहिजे ती इमेज प्रोजेक्ट करून पब्लीक चे ध्यान खेचायचे हा असा साधा सुधा असा प्रकार .
याची एक लिमीटेशन आहे कि , हा प्रकार फक्त रात्री करता येऊ शकतो .

4) Creative stickers :

स्टीकर्स तर फार प्रभावी असतात . चांगल्या हॉटेल मधून जेऊन बाहेर पडा , आपल्या कारवर त्या लोकांनी हॉटेलचे स्टीकर लावलेले तुम्हाला दिसेल .
तुमचं घर रस्त्यावर आहे , तुम्हाला वाटतं गेटसमोर कोणी गाडी पार्क करू नये, तसं कित्येक कंपन्याना पण वाटतं , ते तुमच्या गेटवर नो पार्किंग चे मोठे निशाण आणि त्यांच्या बिझनेसचे स्टीकर लावून जातात .
बस , असो रेल्वे असो वा सार्वजनिक स्वच्छतागृह .. त्या मनचाहा प्यार , जादुटोणा , वशीकरण, संतती प्राप्ती के लिए फोन पर समाधान वाल्या बंगाली बाबांच्या स्टीकर्सचा उच्छाद असतो.

हे काय आहे? तर गोरिल्ला मार्केटिंग !

5) Sidewalk Chalk :

हा प्रकार म्हणजे अगदीच सोप्पा आणि सुटसुटीत, एक खडू (Chalk ) घ्या आणि तुमच्या दुकानासमोरील रोडवर ,भिंतीवर अथवा बोर्डवर मॅसेज लिहून टाका,कित्येक हिंदी सिनेमांमध्ये हिरो त्याच्या गर्लफ्रेंडला इंप्रेस करण्यासाठी रोडवर मोठया मोठया अक्षरात
I
Love
you ….XXXX

असं लिहून मोकळा होतो , हे या गोरिल्ला मार्केटींगचंच तर उदाहरण आहे .

6) selfie Spot :

आजकाल लोकांच्या हातात सेल्फी घेण्यासाठी मोबाईल आलाय , त्याचा फायदा घेऊ .
असा एखादा सुंदर स्पॉट तयार करा कि,लोक तिथे उभे राहून सेल्फी घेतील,आणि त्या सेल्फी वायरल करतील , कुठेतरी त्या सेल्फीत तुमचे ब्रँडनेम येईल अशी व्यवस्था केली कि झालं,आपलं काम संपलं , लोक आपोआप त्यांच्या बरोबर आपल्याला पण व्हायरल करतात . फ्री मध्ये काम !

7) Trending Catche :

मध्यंतरी ते स्पिनर फारच व्हायरल झाले होते , एका बेकरी वाल्याने स्पिनर कुकीज बनवल्या , फिरवा पण कंटाळा आला कि खा पण !
अशी आयडीया त्याने लावली मग काय बच्चे कंपनीची धूम झाली , आणि लोकांनी त्याचे व्हिडिओ बनवून त्याला प्रसिद्ध पण केले ,
असा काही चमत्कार दाखवला कि लोक हात जोडून नमस्कार करणारच कि ?

8) Callthmall :

नाव जरा विचित्र वाटतं पण आयडीया फार जबरदस्त आहे ,
मध्यंतरी निवडणुकांच्या मौसम मध्ये याचा अनुभव आपल्या पैकी कित्येकांनी घेतला असेल , आपल्याला एक कॉल येतो , ” मै xxx बोल रहां हूं ” असा फक्त टिव्हीवरच ऐकलेला आवाज आणि काही तरी केलेलं आवाहन साधं वाटतं पण बराच परिणाम करतं हे , काही वर्षापूर्वी आमच्या मतदारसंघातील खासदार , आमच्या वाढदिवसाच्या अगोदर त्यांच्या लेटरपैड वरून एक शुभेच्छा पर पत्र पाठवायचे, तेव्हा पहिल्यांदाच हिरव्या पेनने केलेली सही पाहुन मन अगदी हरखून जात असे , आता कळतं कि काय होतं हे ?

9) FLASH MOB :

गर्दीत अचानक पाच पंचवीस जणांचा ग्रुप डान्स करायला लागतो , आणि सगळ्या गर्दीचं लक्ष त्यांच्याकडे जातं , मग त्यांच्या परफॉर्मन्स च्या दरम्यान कुठेतरी ते काही संदेश देतात .
बऱ्यापैकी सरकारी योजनांची जाहीरात अशा पथनाटयातूनच होत्
असते , ही पण एक गोरील्ला रीत आहे

11) Piggy Bank stratergy :

आपल्या रेग्युलर ग्राहकाला काहीतरी कामाची वस्तू गिफ्ट करने अशी ही स्ट्रॅटर्जी .
लक्षात घ्या,एखादा इन्शुरन्स एजंट येतो आणि आपली पॉलिसी काढून जातो ,पण जाता जाता तो घरातील लहान मुलाला जवळ बोलवून समजा एक पिग्गी बँक देऊन सांगतो कि , “यात पैसे जमा करत जा,पुढे तुला सायकल घ्यायला कामी येतील ” , आणि त्यात स्वतःचे शंभर रूपये टाकून जाईल .
काय साध्य होईल याने ? जबरदस्त प्रभाव ! मुलाला एक शिकवण भेटली , चांगली सवय लागली प्लस शंभर रूपये . म्हणजे थोडक्या पैशात ती फॅमिली खिशात .

12) FREE MEAL :

अन्नदान हे पुण्याचे काम हे आपण मानतो , चांगली बाब आहे ,
पण याला कसं वापरता येईल ?
बघा बरेच दुकानदार मिरवणुका दरम्यान शरबत , चहा , दूध , पाणी बॉटल , खिचडी , ड्राय फ्रुट , इ . चे वाटप करतात .
पुण्य मिळतं हे ठीक आहे , पण ही गोरील्ला मार्केटिंगच आहे आणि याचा प्रभाव फार काळ रहातो .

या बरोबरच काही बाबी लक्षात पण ठेवल्या पाहिजेत .
a) प्रचंड कल्पकता वापरा , इथे . यालाच महत्व आहे .
b) आपल्याला नेमकं काय म्हणायचे आहे हे स्पष्ट कळले पाहिजे .
c) फक्त सार सांगायचा आहे , दूध आणि Condensed दूध यात जसा फरक असतो तसे
d) कोणाच्याही भावना दुखावणार नाहीत याची काळजी घ्यावी , उगाचच करायला जायचं एक व्हायचं दुसरंच

अशा वेगवेगळ्या प्रकारे आपण गोरील्ला मार्केटिंग वापरू शकतो .
तेंव्हा वापरा आणि यश मिळवा.

शुभेच्छा .

लेख आवडला असेल तर शेअर करायला कंजूषी करू नका !

© निलेश काळे .
उद्योगनिती बिझनेस कन्सलटंट
आनंद पार्क,औंध,पुणे. 9518950764.

उद्योगनितीकडून वैयक्तीक बिझनेस कोचींग हवीये?तर संपर्क करा !
श्री ओमकेश मुंडे सर: 9146101663

Previous Post Next Post

One thought on “अगदी कमी पैशात,तुफानी रिजल्ट देणारा प्रकार : गोरिल्ला मार्केटिंग

Leave a Reply

Your email address will not be published. Required fields are marked *